Friday 21 April 2017

Sad Ghazal


Thi jis ki justajoo woh haqeeqat nahin mili
inn bastiyon mein hum ko rafaaqat nahin mili.
Ab tak hain iss gumaan mein ki hum bhi hain dahar mein,
iss weham se nijaat ki soorat nahin mili.
Rehna tha uss ke saath bahut der tak magar,
inn roz-o-shab mein mujh ko ye fursat nahin mili.
Kehna tha jis ko uss se kisi waqt mein mujhe
iss baat ke kalaam ki mohlat nahin mili.
Kuchh din ke baad uss se juda ho gaye niyazi
uss bewafa se apni tabeeyat nahin mili


Did you like "Sad Ghazal"?