Ajab pagal si larki hai

Ajab pagal si larki hai
mujhey har roz kehti hai
batao kuch naya likha..??
main jub bhi us sey kehta hun
k haan ek nazam likhi hai

magar unwan dena hai
bohat bechain hoti hai
wo kehti hai,
sunao,main usey acha sa ek unwan deti hun
wo meri nazam sunti hai
aur uski bolti aankhen
kisi misrey,kisi tashbeeh per yuun muskurati hain
mujhy lafzon sey kirnen phot'ti mehsoos hoti hain
wo meri nazam ko acha sa ek unwan deti hai
aur uske aakhiri misrey k neechey
ek aaday-e-bey niyazi sey
wo apna naam likhti hai
main kehta hun..!!
suno ! ye nazam meri hai
tou phir tum ney kyun apney naam sey mansob kar li hai
meri ye baat sun ker uski aankhen muskurati hain
wo kehti hai
bara saada sa rishta hai
k jesey tum merey ho us tarah ye nazam meri hai
ajab pagal si larki hai.................

" ♥___________ Ajab pagal si larki hai ___________♥ "

Did you like "Ajab pagal si larki hai"?