Thursday, 7 January 2016
Dhalti shaam ke lambay saye
Dhalti shaam ke lambay saye
Dukh ne sukh ka saans liya hai
Kaash koi phir yad na aye
Aik hi rasta ham donon ka
Dekhain kon kahan tak jaye
Aaj ghaat se khushbu barsi
Jaise koi zulfain lehraye
Kaash koi samjhaye us ko
Laikin kon usay samjhaye
Tujh se yun bichda ho jaise
Pathar se sheesha takraye
Banjar dharti pooch rahi hai
Chaand pe kis ne shahar basaye
Woh khushbu ki mauj hai “MOHSIN”
Kon us ki tasveer banaye
(By Mohsin Naqvi)
Apne khawbon main tujhe jis ne bhi dekha hoga
Apne khawbon main tujhe jis ne bhi dekha hoga
Aankh khulte hi tujhe dhoondne nikla hoga
Zindagi sirf tere naam se mansoob rahe
Jane kitne hi damaghon ne ye socha hoga
Yaar ko main ne mujhe yaar ne sonay na diya
Yaar ko main ne mujhe yaar ne sonay na diya
Raat bhar taal’i-e be-daar ne sonay na diya
Ik shab bul-bul-e-betaab ke jaage na naseeb
Pehlu-e-gul main kabhi khaar ne sonay na diya
Raat bhar ki dil-e-betaab ne baaten mujh se
Mujh ko is ishq ke beemar ne sonay na diya
(By Haider Ali Aatish)
